Oʻzbekistonda choʻponlar hayoti haqida kino suratga olinadi

Qishloq xoʻjaligi vazirligi, Ekologiya, atrof-muhitni himoya qilish va iqlim oʻzgarishi vazirligi hamda Surxondaryo viloyati hokimligi hamkorligida “Choʻliq” nomli badiiy film suratga olinadi. Bu haqda Kinematografiya agentligi matbuot xizmati xabar berdi.

Filmda ekologik muammolar, choʻponlar va ularning hayoti orqali qishloq xoʻjaligidagi hozirgi davr imkoniyatlari haqida hikoya qiladi. Suratga olish ishlari Surxondaryo viloyatining Boysun, Denov, Oltinsoy, Sariosiyo tumanlarida, Qashqadaryo, Jizzax, Buxoro Toshkent viloyatlari hamda Toshkent shahrining turli lokatsiyalarida boʻlib oʻtadi.

Hozirda filmning aktyorlar jamoasi uchun kasting jarayonlari davom etmoqda. Film senariy muallifi va postanovkachi rejissyor Jamoliddin Qoʻziboyev.